Illas Cíes
O arquipélago das Cíes, situado na bocana da ría de Vigo, está composto polas 3 illas de Monteagudo, Faro e San Martiño. Destaca pola súa importancia xeomorfolóxica e biolóxica o complexo formado pola barreira da praia de Rodas, que actúa de ponte natural entre as illas Monteagudo e Faro, e O Lago, que serve de refuxio de cría de peixes e outros animais acuáticos.
A importancia e singularidade desta localización motivou a instalación do primeiro spot de Atlantilus na súa versión completa.
Localización financiada pola Unión Europea-Next GenerationEU para os anos 2022 e 2023 como parte das Axudas na área de influencia socioeconómica do Parque Nacional-Marítimo Terrrestre das Illas Atlánticas de Galicia co cargo ao PRTR.
